अयोध्येत राममंदिर उभारणे हे प्रत्येक भारतीयांचे आणि हिंदूधर्मीयांचे स्वप्न होते. या सोहळ्याला उपस्थित राहणे आणि हा सोहळा डोळे भरून पाहणे हे सुद्धा अनेकांचे स्पप्न आहे. मातर प्रत्येकालाच येथे उपस्थित राहण्याचा योग येणार नाही. कारण होणारी गर्दी लक्षात येता येथे फक्त ठराविक माणसांनाच निमंत्रण देण्यात येत आहे.
या शुभ समारंभात आयुष्मान हा, विराट कोहली, सचिन तेंडुलकर, अमिताभ बच्चन, रजनीकांत, मनमोहन सिंग, धनुष, मोहनलाल, रणबीर कपूर, आलिया भट्ट, अजय देवगण, प्रभास, यश या भारतीय चित्रपट उद्योगातील आणि उद्योगपतींसह भारतातील सर्वात मोठ्या दिग्गजांसोबत सामील होणार आहे. मुकेश अंबानी, अनिल अंबानी, रतन टाटा, गौतम अदानी आणि टीएस कल्याण रामन इत्यादी उद्योगपतीही या सोहळ्याला उपस्थित राहणार आहेत..
राष्ट्रीय स्वयंसेवक संघाचे मुंबई महानगर संपर्क प्रमुख, सीए अजित पेंडसे यांनी ‘राम लल्ला’च्या भव्य अभिषेक सोहळ्यासाठी आयुष्मानला वैयक्तिकरित्या निमंत्रण दिले आहे. ‘प्राणप्रतिष्ठे’च्या निमित्ताने एक लाखाहून अधिक भाविक मंदिरात दर्शनासाठी उपस्थित राहण्याची अपेक्षा आहे. या सोहळ्यादरम्यान पंतप्रधान नरेंद्र मोदी राम मंदिरात येणार आहेत.
